Cov Kiab Khw muag zaub tshav puam hauv xeev Wisconsin yuav tsis raug muab kaw thiab tuaj sib ntsauv los tau kom ua raws cai vim muaj tus kob mob Covid-19. Cov ntsiab lus coob leej ntau tus nug txog (FAQ) muab los hauv Lub Xeev Wisconsin rau tib neeg coob tuaj mus sib ntsauv raws li txoj cai:

Cov Taj laj muag khoom noj puas tseem qhib? Cov Taj laj muag khoom noj, cov taj laj muag roj tsheb, thiab kiab khw muag zaub yeej tseem qhib tab sis yuav tsum ua kom raws cov cai: (1) Lawv tsis pub teeb cov rooj zaum uake los noj mov;(2) cov chaw noj mov xws li buffet thiab cov salad bars noj ywj siab tsis pub qhib lawm; thiab (3) Tsis pub cov neeg yuav cov khoom los tshem cov khoom tawm. (3/17/20)

Cov Kiab Khw Muag Zaub, nws zoo ib yam li cov taj laj muag khoom noj yeej tseem ceeb rau kev noj kev haus. Yog thaum cov khw tuam txhab loj xa zaub tuaj tsis txaus neeg yuav lawm yuav tsum tau qhib kiab khw cog hauv zej zos los pab. Yuav kom ua tau mus zoo, txhua lub taj laj yuav tsum npaj kom muaj txoj kev kab ntsab rau saws daws raws thaum tuaj mus yuav khoom hauv cov taj taj. Nram qab no yog kev qhia cob ua kom zoo tshaj muab los ntawm cov thawj coj thoob plaws hauv teb chaw no. Cov cai no yuav siv tsis tau rau txhua lub taj laj. Tab sis nws yuav pab kom tus kab mob Covid-19 tsis txhob sib kis ntxiv rau koj thiab lub zej zos thaum koj tuaj mus yuav zaub hauv cov taj laj.

Cov taj laj yuav tau ua li cas? Lub hom phiaj yog ua kom tsis txhob sib kis tus kab mob Covid-19 thaum tuaj mus yuav khoom. Txawm tias cov kiab khw muag zaub nws yeej tseem ceeb heev tsim tseg rau lub zej zos yuav tsum tau sib pab tiv thaiv kom cov laj mej pej xeem tuaj nrhiav noj thiab nyob kab ntsab.

• Tsis pub saj
• Tsis pub npaj cov khoom noj tom khw los sis yuav tsum muab txhua yam ntej ua ntej nqa mus muag XWB.
• Tsis pub cov tswv muag lwm yam khoom uas tsis yog zaub mov noj
• Tsis pub kom muaj suab paj nruag (music), teeb rooj, kev txhawb pab kom paub los sis muag tsiaj txhu
• Kom muaj ib qho chaw ntxuav tes/so tes kom tsis muaj kab mob rau cov tswv muag/cov yuav khoom
• Yuav tsum muaj paib qhia kev sib nrug kom deb
• Tsis pub cov neeg yuav khoom los kov cov khoom muag (tus tswv thiaj li kov tau txog thaum yuav)
• Cov hnab pub siv ib zaug xwb
• Cov tswv muag khoom nyob kom sib nrug deb kom thiaj li dav txaus cov neeg tuaj mus yuav khoom
• Kev teeb rooj yav tag tso rau ob sab cov tswv sib nstia cia nruab nrab rau cov neeg tuaj mus yuav khoom. Yuav kom muaj kev sib nrug rau lub caij no, muab cov rooj tig sab nraum ua ib suam xwb kom chaw txaus rau cov tswv muag khoom.
• Yuav tsum tau xaiv tswv yim tshiab mus yuav khoom xws li tsav tsheb mus nqa los yog hu ua ntej yuav mus nqa thiab order online.
• Thaum tus tswv muag khoom mob lawm tsis txhob ntau nqi rau them yog tuaj tsis tau.

Cov Tswv muag khoom yuav uacas?

• Tsis pub cov tswv thiab cov neeg ua hauj lwm tuaj muag yog muaj mob. Yuav tsum txawj xav tsis pub kis mob rau cov neeg tuaj yuav khoom.
• Txawm tias tsis paub tseeb tias tus mob Covid-19 nws kis tau thaum txais cov nyiaj lawv cev los tab sis, cia ib tug txais nyiaj cia lwm tus muab zaub thiab nrog lawv tham thiaj tsis sib kis.
• Siv ib lub hnab tus tswv muag khoom muab.
• So/muab tshuaj tsuag/rau tej rooj nrog rau daim ntaub pua rooj kom tsis txhob muaj kab mob ua ntej mus txog tom khw.
• Teeb cov rooj kom thaiv (dav ntev li peb mev (foot) ntawm koj cov khoom muag thiab tus neeg tuaj yuav) tso ib rooj tas haj tom hauv ntej los mus txais nyiaj. Cia tus tswv muag khoom kov cov zaub xwb. Muab cov khoom sau npe kom tag lawv thiaj paub tias koj muag dabtsi.
• Ntxuav tes nrog sab npum thiab dej kom ntau. (Tsim kom tau chaw ntxuav tes tsawg dua li $20.)
• Siv tshuaj ntxuav txhais tes thaum tsis lo av. Yog ob txhais tes lo av lawm tshuaj ntxuav tes yuav tsis pab.
• Siv ib lub hnab looj tes ib zaug xwb.
• Tsis txhob muab tes kov yus lub ntsej muag.

Lus Sib Qhia

Yuav tau koj cov neeg yuav khooom seb koj qhib thiab kaw thaum twg. Yog koj qhib koj lub khw muag khoom yuav tsum qhia txoj cai koj ua los thiv thaiv koj tus kheej thiab lawv thiab yuav uali cas thiaj tiv thaiv tau lawv tus kheej thiab lwm tus tom khwv.  Yog koj lub khw kaw lawm, ua tib zoo qhia kom lawm paub mus yuav ntawm lwm tus tswv.  Tuaj mus yuav khoom tom daim teb los sis ho mus sib ntsib rau lwm qho chaw yog lawv hu ua ntej.  Muaj ib txhia khw kuj xav tias yog hu ua ntej lawv tsaj tsheb tuaj txhais khoom los tau.  Nws yeej tseem tshuav ntau yam rau peb ua kom tau raws li lub hom phiaj kom tsis txhob ua rau zej zos kis tau kab mob. Vam thiab cia siab tias cov ntsiab lus no yuav pab tau txoj kev nrhiav noj nhiav haus yog ib qho tseem ceeb hauv koj lub zej zos.

Yog koj muaj lus nug ntxiv hu rau Kristin Krokowski, chaw ua hauj lwm ntawm (UW-Madison Extension Commercial Horticulture Educator) los sis sau ntawv email rau krokowski@wisc.edu.