Muaj kev cov nyom ntau heev rau txoj kev ua teb vim muaj tus kab mob COVID-19 kis sai heev. Qhia rau koj cov neeg ua hawj lwm tias koj yeej txoj txhawj xeeb heev txog lawv thiab tsev neeg kev noj qab haus huv, thiab tsim tau cov cai los pab kev ua teb kom ua tau mus ntev lawm yam tom ntej ntawm koj daim teb.

Npaj sib tham nrog rau cov neeg ua hauj lwm kom paub txog tej yam tsim muaj hauv zos, neeg tsis txaus ua hauj lwm, cov khoom xa thiab thauj. Sib qhia sij hawm kom sawv daws paub sib ntsib ib qho chaw thiaj li tsis nyuab siab thiab teb kom tag lawv cov lus nug.  Tham kom yooj yim txog xov xwm muaj licas, yuav uacas kom lawv paub ua lawv txoj hauj lwm. Ua kom raws li txoj cai tam sim no thiaj tsis kis tus kab mob COVID-19 rau yus tsev neeg thiab cov phooj ywg thaum mus ua teb.

• Hais rau cov neeg ua hauj lwm tag nrho yog mob lawm kom nyob hauv tsev, nrhiav kev pab kom ua pa zoo, thiab ntxhuav tes kom huv, thiab ua zoo saib cov neeg ua hauj lwm uas kis tau tus mob yooj yim (xws li cov neeg laus thiab cov muaj mob raug noj tshuaj):
  • Yog leej twg tuaj ua hauj lwm tsis xis neej los sis muaj mob thaum ua hauj lwm muab cais rau ib qho tsis txhob pub nyob ze lwm tus los sis muab xa mus tsev tamsis ntawm.
  • Sau ntawv lo pab ntsa thiab qhov rooj kom sawv daws pom thaum nkag los qhia kom nyob tsev thaum mob, kom paub cai hnoos thiab txham, thiab txawj ntxuav tes.
• Ntxuav so tej rooj tog kom huv si:
  • Muab tej chaw neeg pheej kov hauv chav ua hauj lwm so thiab ntxhuav kom huv si thiab mus saib txog kev qhia muab tshuaj los ntxuav kom tsis muaj kab mob.
  • Ua zoo saib xyuas tej chaw cov neeg ua hauj lwm los so nyob ua ke, chaw tso zis tso quav, thiab tej chaw sawv daws los sib ntsib. Muab so ntxhuav kom huv si xws li tej rooj tso khoom, chaw taws teeb, chaw npaj zaub mov, tej khoom ib txwm siv, moos siv ntaus sij hawm, tej ko hlau uas neeg siv tuav, lub kauj tsav tsheb thiab tej pob qhov rooj.
  • Txhawb kom cov neeg ua hauj lwm kom muab xab npum ntxhuav tes nrog dej sov kom ntev li nees nkaum (20) seconds thiab npaj kom muaj tshuaj ntxhuav tes kom yog li 60% cawv (alcohol).
• Nrhiav kom tau cov ntaub ntawv qhia tseeb thiab ntseeg tau:
  • Lub Xeev Wisconsin Qhia Txog tub kab mob COVID-19 nrog rau daim ntawv tseeb muab txhais lus Askiv, Suav, lus Mev, Hmoob (WI Department Heath Services).
  • Cov neeg ua hauj lwm yog lawv zoo neej tabsi muaj tsev neeg tau tus kab mob COVID-19 yuav tsum qhia rau tus thawj coj thiab mus saib txoj cai qhia los ntawm CDC rau kev soj ntsuam xyuas yauv uacas rau lawv kev noj qab haus huv.
  • Yog tus neeg ua hauj lwm tau tus kab mob COVID-19, cov tswv yuav tsum tau qhia rau cov neeg ua hauj lwm tsam sawv daws kis tau tus COVID-19 hauv chaw ua hauv lwm tabsi kom ua raws txoj cai thiab mus saib txoj cai qhia los ntawm CDC rau  kev soj ntsuam xyuas yuav ua cas rau lawv kev noj qab haus huv.
  • Ntaub ntawv qhia txog kev muaj mob thiab ntawv kho mob (health insurance) nrog rau ntsib kws kho mob hauv koj lub xov tooj, lub computer, los sis lub tablet daim ntawv tseeb  Askiv thiab lus Mev (UW-Madison)

• Tus kab mob COVID-19 yog tshwm sim los ntawm tus khaub thuas (novel coronavirus) txawv dua lwm tus kab mob thiab tsis tau muaj tshuaj los tiv thaiv. Kev sib kis ntawm tus kab mob zaum no tsim tau kev kub ntxhov thoob plaws hauv lub ntiaj teb. Lub sij hawm no tsis pom zoo mus kev deb thiab yuav tau caiv “nyob sib nrug” nws yuav qhia tau tias yus txhawj xeeb txog rau yus tsev neeg thiab tej phooj ywg huav no los yog lwm lub teb chaw.