CSP yog dab tsi?
Conservation Stewardship Program (CSP) yog ib qhov kev pab tswvyim thiab nyiaj txiag los mus rau cov tibneeg cog qoob loo thiab cov tibneeg uas muaj av hav zoov kom lawv mob siab tiv thaiv, pov fwm, thiab txuag lawv li liaj teb/hav zoov mus rau theem tom ntej ntxiv. Daim video no yog ua hais lus HMoob los qhia txog kev pab cuam rau cov HMoob ua teb los yog cov uas muaj av havzoov uas tsis paub lus Askiv txaus.
Conservation Stewardship Program (CSP) no yog tsim los pab txhawb rau cov tibneeg cog qoob loos thiab cov tibneeg uas muaj av hav zoov uas muaj kev hlub tshua txog kev tiv thaiv, pov fwm, thiab txuag ib puag ncig liab teb hav zoov.
Yuav muaj cov txiaj ntsig dab tsi?
Tej zaum CSP yuav ua tau ntau yam txiaj ntsig, xis li cog tau qoob loo tau zoo ntau ntxiv, tsis tau siv chiv ntau, tsim kho tej chaw nyob ntawm tej tsiaj qus thiab ua kom tej qoob loo ua no tiv tau huab cua tau zoo tshaj plaws. CSP kuj xav txhawb kom cov tej khoom siv tshiab thiab tej tswv yim tswj xyuas coj los mus siv thiab.
Piv txwv li, CSP tuaj yeem pab koj:
- Npaj lub sij hawm cog thiab xaib xyuas tej qoob loo npog av kom ncav sij hawm
- Tsim kho ib qho kev npaj cog zaub nyuj uas yuav tsim kho rau koj cov zaub nyuj kom zoo tuaj
- Tsis txhob muab teb laij thiaj tsi muaj av pob thaum ntuj los nag loj los yog tswj xyuas tej chaw hav zoov hav tsuag uas yuav muaj txiaj ntsig rau tej tsiaj qus.
Yog koj twb ua cov kauj ruam no los tsim kho ib qho xwm txheej ntawm daim av lawm, ces yuav ua rau CSP tuaj yeem pab koj nrhiav cov hauv kev tshiab kom tau raws li koj cov hom phiaj.
Learn more about the Conservation Stewardship Program (CSP) – English.
